Unicode

ဆဲလ်တစ် အသင်း တိုက်စစ်မှူးလေး မူဆာဒမ်ဘီလီရဲ့ ခြေစွမ်းကို စောင့်ကြည့်ဖို့ ကင်းထောက် လွှတ်ထားခဲ့တဲ့ #အေစီ
===========================

စကော့တလန်မြေက ထွက်ပေါ်လာခဲ့တဲ့ သတင်းတွေအရ အေစီမီလန် အသင်းဟာ PSG နဲ့ ဆဲလ်တစ်တို့ ကစားခဲ့ကြတဲ့ ပွဲစဉ်မှာ ယမန်နှစ်က အသင်းနဲ့အတူ နာမည်ရလာခဲ့တဲ့ ဧည့်သည်အသင်းရဲ့ တိုက်စစ်မှူးလေး မူဆာ ဒမ်ဘီလီကို စောင့်ကြည့်ဖို့ ကင်းထောက်တွေ စေလွှတ်ခဲ့တယ်လို့ သိရပါတယ် ။

အဆိုပါ ပွဲစဉ်မှာ ဆဲလ်တစ်အသင်း တိုက်စစ်မှူးလေးဟာ အသင်းအတွက် ပထမဆုံး မိနစ်မှာ အံ့အားသင့်ဖွယ် ဦးဆောင်ဂိုး သွင်းယူပေးခဲ့ပြီး ပုံစံကောင်း ပြသထားနိုင်ခဲ့ပေမယ့် မကြာမီမှာပဲ အိမ်ရှင်အသင်းရဲ့ တရစပ် တိုက်စစ်ဆင် ဂိုးသွင်းယူမှုတွေကြောင့် ဆဲလ်တစ်တို့ ဂိုးပြတ် ရှုံးနိမ့်ခဲ့ရပါတယ် ။

အဆိုပါ ပွဲစဉ် အပြီးမှာတော့ စကော့တလန်က ထွက်ပေါ်လာတဲ့ သတင်းတွေအရ အေစီမီလန်ဟာ ဒမ်ဘီလီအတွက် ကင်းထောက်တွေ စေလွှတ်ပြီး ကစားသမားရဲ့ ခြေစွမ်းကို စောင့်ကြည့်စေခဲ့တယ်လို့ သိရပါတယ် ။

လက်ရှိ အချိန်မှာတော့ အသက် 21 နှစ်သာ ရှိသေးတဲ့ ဒမ်ဘီလီဟာ စျေးကွက်မှာ ပေါင် သန်း 20 ခန့် တန်ကြေး ရှိနေတယ်လို့ သိရပါတယ် ။

ဆဲလ်တစ်ဟာ 2016 နွေတုန်းက ဒမ်ဘီလီကို ဖူလ်ဟမ် အသင်းကနေ အလွတ် ပြောင်းရွှေ့ကြေးနဲ့ ခေါ်ယူခဲ့တာ ဖြစ်ပြီး လက်ရှိ ရာသီမှာ အသင်းအတွက် 14 ပွဲ ကစားပေးထားတဲ့ ဒမ်ဘီလီဟာ 7 ဂိုးသွင်း ၊ 3 ဂိုး ဖန်တီးပေးထားခဲ့ပါတယ် ။

 

Source : Sports Myanmar